БРАК ВЕРСУС РАЗВОД

А јас решам да седнам и да напишам пост, значи нешто ме мотивирало и морам да споделам.
У случајов беше еден муабет со мој колега.Некни бевме заедно на семинар и додека чекавме лет за Скопје сто пати ни спомна дека уште малце му е десет годишнина од брак и кај и да е ќе мора да смени жена.
Не затоа што има некоја посебна причина, него чисто да се дешава нешто и да се разбие монотонија у живот.......
И пошто мојот колега е супер човек, знам дека се беше заебанција и обична провокација, ама ме натера да рамислам околу должината на брачните стажеви на новопечените брачни двојки.......
Неспорен факт е дека денес има многу повеќе разводи од порано........е сеа како и зошто.....тоа е веќе друго прашање.
И на нашиве родители сигурно им се стемнувало еден од друг на моменти и нејќеле очи да си видат.....али па не се решавале на толку драстични чекори како развод. Незнам што е тоа у новово време што толку ги одтуѓува луѓето до степен да не сакаат ни да се потрудат да поработат на бракот како заедница.
Уште повеќе што земјава ни е толку сиромашна, што бре и економски си зависен од тој другиот ако сакаш бар основни услови за живот да обезбедиш.
Дали сме станале исфрустрирани и себични до тој степен да нејќеме ни да се потрудиме да најдеме компромис околу секојдневни проблеми??
И да не бидам погрешно сватена......ја сум прва да се разведеш ако има суштински проблем кој едноставно не може да се реши.
Ама па околу секакви глупости да се праи драма ми е сварно несватливо.
Некои работи се решаваат пред брак. Ако глеаш дека не иде, место по сто пати фати-пушти со истата личност, стисни заби и чао-пријатно.
Колку е да е болно у моментот, долгорочно гледано тоа е најлесниот начин да се поштедиш и себеси и другиот и околината......Уствари ако јас се прашувам тоа е и единствениот правилен начин........